С.И.Тимофеев-Кустуктаанап аатынан Маҥаны орто оскуолатыгар сайыҥҥы “Зеленый флаг” лаа5ырга Сардаана күнэ ыытылынна.

Бу күн Сардаана сибэккигэ аналлаах выставка турда. О5олорго анаан илиинэн оҥоҺукка курэх биллэриллибитэ. Кыайыылаах 9 о5о5о диплом уонна Айыл5а харыстабылын инспекцията туруорбут анал бириистэрэ туттарылынна. Кыттыбыт о5олорго барыларыгар сертификат ону тэҥэ бириистэри туттардылар.

Билигин Сардаана сибэкки саамай тыллан турар кэмигэр, нэҺилиэкпит Далбар Хотуттара Екатерина Михайловна, Елизавета Ивановна бэйэлэрэ бүөбэйдээн олордубут Сардаана сибэккилэрин о5олор илэ харахтарынан көрөн сэргээтилэр уонна астыннылар. Хайдах, хас сыллаахтан олордубуттарын, сибэккини хайдах бүөбэйдииллэрин туҺунан сиҺилии кэпсээтилэр. О5олор махтанан Сардаана ойуулаах халандаар туттардылар.

Бу курдук лаа5ыр о5олоругар ураты кэрэ күн бэлиэтэннэ.